Заметили ошибку в тексте? Выделите её мышкой и нажмите Ctrl+Enter<<< | ОГЛАВЛЕНИЕ | БИБЛИОТЕКА | >>>
См. также: 3-е Соборное послание св. ап. Иоанна Богослова
(шрифт на основе старой кириллицы)
На церковно-славянском языке гражданским шрифтом
Глава 1.
Зачало 76.
1 Старец гаиеви возлюбленному, егоже аз люблю воистинну.
2 Возлюбленне, во всех молюся (о тебе) благоспеятися тебе и здравствовати, якоже благоспеется тебе душа.
3 Возрадовахся зело, пришедшим братиям и свидетелствующимъ твою истину, якоже ты во истине ходиши.
4 Болши сея не имам радости, да слышу моя чада во истине ходяща.
5 Возлюбленне, верно твориши, еже аще делаеши в братию и в странныя,
6 иже свидетелствоваша о твоей любви предъ церковию: ихже предпослав достойно богу, добре твориши,
7 о имени бо его изыдоша, ничтоже приемлюще от язык.
8 Мы убо должни есмы приимати таковых, да поспешницы будем истине.
9 Писах церкви: но первенстволюбец их диотрефъ не приемлет нас.
10 Сего ради, аще прииду, воспомяну его дела, яже творит, словесы лукавыми укоряя нас: и недоволен бывая о сих, ни сам приемлетъ братию, и хотящим возбраняет, и от церкве изгонит.
11 Возлюбленне, не уподобляйся злому, но благому. Благотворяй от бога есть: а злотворяй не виде бога.
12 Димитриеви свидетелствовася от всех и от самыя истины: и мы же свидетелствуем, и весте, яко свидетелство наше истинно есть.
13 Многа имех писати, но не хощу черниломъ и тростию писати тебе,
14 уповаю же абие видети тя и усты ко устом глаголати.
15 Мир тебе. Целуют тя друзи: целуй други по имени. Аминь.
Конец соборному посланию иоаннову третиему: имать в себе главу 1 и зачало церковное 1
Заметили ошибку в тексте? Выделите её мышкой и нажмите Ctrl+Enter
<<< | ОГЛАВЛЕНИЕ | БИБЛИОТЕКА | >>>