<<< | ОГЛАВЛЕНИЕ | БИБЛИОТЕКА | >>>


См. также: 2-е послание к Фессалоникийцам св. ап. Павла
(шрифт на основе старой кириллицы)

ПОИСК ФОРУМ

 

Новый Завет

На церковно-славянском языке гражданским шрифтом

Главы: 1 | 2 | 3

Послание второе к солуняномъ святаго апостола павла

Глава 1.

Зачало 274.

1 Павел и силуан и тимофей, церкви солунстей, о бозе отце нашем и господе иисусе христе:
2 благодать вам и мир от бога отца нашего, и господа иисуса христа.
3 Благодарити должни есмы бога всегда о вас, братие, якоже достойно есть, яко превозрастаетъ вера ваша, и множится любовь единаго коегождо всех вас друг ко другу:
4 яко самем нам хвалитися о вас в церквахъ божиих, о терпении вашем и вере во всехъ гонениих ваших и скорбех, яже приемлете,
5 показание праведнаго суда божия, во еже сподобитися вам царствия божия, егоже ради и страждете.
6 Аще убо праведно у бога, воздати скорбь оскорбляющим вас,
7 а вам оскорбляемым отраду с нами, во откровении господа иисуса с небесе, со ангелы силы своея,
8 во огни пламенне дающаго отмщение не ведущимъ бога и не послушающим благовествования господа нашего иисуса христа:
9 иже муку приимут, погибель вечную, от лица господня и от славы крепости его,
10 егда приидет прославитися во святых своихъ и дивен быти во всех веровавших, яко уверися свидетелство наше в вас, в день он.
11 За сие и молимся всегда о вас, да вы сподобитъ званию бог наш и исполнит всяко благоволение благости и дело веры в силе,
12 яко да прославится имя господа нашего иисуса христа в вас, и вы в нем, по благодати бога нашего и господа иисуса христа.

 

Глава 2.

Зачало 275.

1 Молим же вы, братие, о пришествии господа нашего иисуса христа и нашем собрании о нем,
2 не скоро подвизатися вам от ума, ни ужасатися ниже духом, ниже словом, ни посланием аки от нас посланным, яко уже настоит день христов.
3 Да никтоже вас прельстит ни по единому же образу: яко аще не приидет отступление прежде, и открыется человек беззакония, сынъ погибели,
4 противник и превозносяйся паче всякаго глаголемаго бога или чтилища, якоже ему сести в церкви божией аки богу, показующу себе, яко богъ есть.
5 Не помните ли, яко еще живый у вас, сия глаголах вамъ?
6 И ныне удержавающее весте, во еже явитися ему в свое ему время.
7 Тайна бо уже деется беззакония, точию держяй ныне дондеже от среды будет:
8 и тогда явится беззаконник, егоже господь иисус убиет духом уст своих, и упразднитъ явлением пришествия своего,
9 егоже есть пришествие по действу сатанину во всяцей силе и знамениих и чудесех ложных,
10 и во всякой льсти неправды в погибающих, зане любве истины не прияша, во еже спастися им.
11 И сего ради послет им бог действо льсти, во еже веровати им лжи,
12 да суд приимут вси не веровавшии истине, но благоволившии в неправде.
13 (Зачало 276) Мы же должни есмы благодарити бога всегда о вас, братие возлюбленная от господа, яко избрал есть вас бог от начала во спасние во святыни духа и веры истины,
14 в неже призва вас благовествованием нашим, в получение славы господа нашего иисуса христа.
15 Темже убо, братие, стойте и держите предания, имже научистеся или словом, или посланием нашим.
16 Сам же господь наш иисус христос, и богъ и отец наш, возлюбивый нас и давый утешение вечно и упование благо в благодати,
17 да утешит сердца ваша и да утвердитъ [да утвердит васъ] во всяцем слове и деле блазе.

 

Глава 3.

1 Прочее, молитеся о нас, братие, да слово господне течет и славится, якоже и в вас,
2 и да избавимся от злых и лукавых человек: не всех бо есть вера.
3 Верен же есть господь, иже утвердитъ вас и сохранит от лукаваго.
4 уповаем же на господа о вас, яко, яже повелеваем вам, и творите и сотворите.
5 господь же да исправит сердца ваша в любовь божию и в терпение христово.
6 (Зачало 277) Повелеваем же вам, братие, о имени господа нашего иисуса христа, отлучатися вам от всякаго брата безчинно ходяща, а не по преданию, еже прияша от нас:
7 сами бо весте, како лепо есть вам подобитися нам: яко не безчинновахом у вас,
8 ниже туне хлеб ядохом у кого, но въ труде и подвизе, нощь и день делающе, да не отягчим никогоже от вас:
9 не яко не имамы власти, но да себе образъ дамы вам, во еже уподобитися нам.
10 Ибо егда бехом у вас, сие завещавахомъ вам: яко аще кто не хощет делати ниже да яст.
11 Слышим бо некия безчинно ходящия у вас, ничтоже делающия, но лукавно обходящия:
12 таковым запрещаем и молим о господе нашемъ иисусе христе, да с безмолвием делающе, свой хлеб ядят.
13 Вы же, братие, не стужайте, доброе творяще.
14 Аще же кто не послушает словесе нашего посланием, сего назнаменуйте и не примешайтеся ему, да посрамится:
15 и не аки врага имейте его, но наказуйте якоже брата.
16 Сам же господь мира да даст вам мир всегда во всяцем образе: господь со всеми вами.
17 Целование моею рукою павлею, еже есть знамение во всяцем послании, сице пишу:
18 благодать господа нашего иисуса христа со всеми вами. Аминь.

 

Конец второму посланию еже к фессалоником: имать в себе главы 3, зачал же церковныхъ 4.

 

 

Система Orphus Заметили ошибку в тексте? Выделите её мышкой и нажмите Ctrl+Enter


<<< | ОГЛАВЛЕНИЕ | БИБЛИОТЕКА | >>>